0

(20-Jun-2015) Hey’adda Hormuud Telecom Foundation oo ah qeybta shirkadda isgaarsiinta Hormuud u qaabilsan samafalka ayaa maanta waxay deeq gargaar ah oo loogu tala galay bisha barakeysan ee Ramadaan ay gaarsiiyey naafada ku jirta Isbitaalka Martiini ee magaalada Muqdisho.

Deeqdan oo isugu jirta lacag cadaan ah iyo Timir waxa ay hay’addu gaarsiisay naafada xoogga dalka ee ku jira isbitaalka Martiini ee magaalada Muqdisho, oo iyagu ka mid ah dadka Caawinaada u baahan.

Maamulaha shirkada Hormuud Foundation Mudane: Muuse Axmed Nuur oo ka hadlay gaarsiinta deeqda ciidanka Naafada ah ayaa waxaa uu sheegay in maamulka iyo shaqaalaha shirkadda oo is kaashanaya ay go’aansadeen in ay gar gaar u fidiyaan dadka danyarta ah .

“Halkaan walaalayaal saaka waxaa shirkadda Hormuud qaybteeda samafalka Hormuud Foundation ay ku wareejineysa Naafada Xoogga Dalka Xogaa yaroo lacag ah iyo xoogaa yaroo timir ah oo ay u kaalmeestaan Ramadaanka Insha Alaah” ayuu yiri Muuse.

Afhayeenka ciidamada naafada xoogga dalka Soomaaliyeed Cabdi Mahad Cali ayaa waxaa uu uga mahad celiyay Hormuud Foundation deeqda ay soo gaarsiisay iyo sida ay mar walba u garab taagan tahay dadka masaakiinta ah.

“Waxaan u mahad celineynaa shirkada Hormuud oo bilkasta oo Ramadaan halkaan ka dhigatay joogto in ay timaado lacagtaas sadaxda kun ah iyo wax kasta oo ay gacanta ku hayso halkaaney keentaa mar kasta oo ay samafal sameynayaan, anaga nagama tagaan marka waxaan leenahay Hormuud Hantidaada Kheyr Haatufkagana Kheyr “ayuu yiri Cabdi Mahad.

Deeqdani ayaa waxay qeyb ka tahay deeq ay hey’addu ugu talagashay inta lagu guda jiro bisha barakeysan ee Ramadaan inay ku gaarsiiso qeybaha bulshada ka midka ah ee u baahan in la garab istaago, iyadoo hey’adda ay sanad walba sidaanoo kale ay u gaarsiisa qeybahaan deeqda loogu talagalay si ay u kaashtaan.

Taakuleyn Naafada Ciidanka Xooga Dalka Soomaaliyeed Taakuleyn Naafada Ciidanka Xooga Dalka Soomaaliyeed Taakuleyn Naafada Ciidanka Xooga Dalka Soomaaliyeed Taakuleyn Naafada Ciidanka Xooga Dalka Soomaaliyeed Taakuleyn Naafada Ciidanka Xooga Dalka Soomaaliyeed Taakuleyn Naafada Ciidanka Xooga Dalka Soomaaliyeed

Leave a Comment